Кыһыл көмүс күһүҥҥэ, сайынныын арахсар,
Биир дьикти түгэҥҥэ айылҕам иһийэр.
Оччоҕуна дууһабар туоххаһыйа, долгуйа
Дойдубун ахтарым күннэтэ күүһүрэр.

 Мин аҕам алааһар, Лэбийэм күөлүгэр
Аар хатын күлүгүн көрүнэн эрдэҕэ.

Алааһым кытаҕар, хатыҥнаах чараҥар
Отуутун таhыгар, оллоонун аттыгар,
Хотуурун таптайар, табаҕын уурунар
Уонна дьэ оргууйдук бугулун бэрийэр.

Мин а5ам алааhар, Лэбийэм күөлүгэр
Аар хатыҥ күлүгүн көрүнэн эрдэҕэ.

Хас биирдии бэйэбит, улаатан бараммыт
Тус-туспа дьыл5алаах дьон буолан сылдьабыт,
Ол эрэн дууhабар, сүрэхпэр өрүү баар
Умнубат өйдөбүл - аҕабыт алааһа.