Сааскы кыталык үнкүүлүүр
Кырдалынан хаамтарбын,
Саатар биирдэ кыталык
Үҥкүүлүүрүн көрдөрбүн.

Сиргэ төрөөн, киһи буолан
Дьоллоох этим диэҕим мин,
Олох саамай эриэккэһин
Көрөн аастым диэх этим.

Остуоруйа дойдутун,
Туйаарыма Куотун мин
Сулустартан буламмын,
Сиргэ сиэтэн түстэрбин.

Сиргэ төрөөн, киһи буолан
Дьоллоох этим диэҕим мин,
Олох саамай эриэккэһин
Көрөн аастым диэх этим.

Ыллыыр-туойар тойугум
Кэскиллэрдээх тылынан
Эдэр ыччат дьоннорбун
Куруук үөрдэ турдарбын.

Сиргэ төрөөн, киһи буолан
Дьоллоох этим диэҕим мин,
Олох саамай эриэккэһин
Көрөн аастым диэх этим.