Эн миигин көрөргүн биллэрбин
Эйиэхэ сурукпун мин ытыам
Эпиэккин ааҕаммын үөрдэрбин
Аттыбар күүлэйдии ыҥырыам

Доҕоруом мин диэкки көрөөрүй
Мин баҕа санаабын өйдөөрүй
Ньургуһун курдук эн кэрэҕин
Түүн аайы мин түүлбэр киирэҕин

Ол оннук биир үтүө киэһэҕэ
Оргууйдук уоскуттан ууруоҕум
Доҕорбун баар дьонум билиэҕэ
Олохпор аргыстаах буолуоҕум

Эйиигин эрэ мин таптыырбын
Чуумпуга сыпсийэн этиэҕим
Тапталым сылааһын ылларбын
Үйэҕэ сүрэхпин биэриэҕим

Соҕотох эйиэхэ аныаҕым
Бастакы бутэһик биир тылы
Дьоллоохтук эрэнэ саныаҕым
Туоруохпут эн биһи сүүс сылы